Gwakak Nagwijìlzhiinat
 Walter
Alexie t’at Abraham ts’àt Bella Alexie goodinjì’
t’iinch’uu, Yukon ts’aii Tth’oh Zraii Njik gwà’àn
vagòonlii. Gwich’in nilii Teetå’it Zheh gwàts’at.
Walter chan dachan tat gwà’àn yeenjì’
Tr’atr’aataii Tshik gwà’àn hee gweech’in’
1960 dài’ gwàts’at, tå’ee kaiik’ìt
gweenoo nìniinzhìi vigii kat gaohanahchyaa geenjit jùu
t’eedi’in’. Teetå’it Zheh gwizhìt chan
nagwidàdhat tee jùutin ts’àt ihåak geenjit
NCPC (Northern Canada Power Commission) eenjit gwitr’it gwàåtsaih,
dhidrii eenjit zheh k’ànahtii iinli’ ts’àt
gwichìt chan iinli’. Walter ts’àt vitr’ìinjòo
Enna hàh, tr’iinin nihk’iitik geedi’in’.
Nagwidàdhat 1996 dài’ gwàts’at t’at
Walter zrit GSCI eenjit gwijàa nilìi. Gwiintå’òh
nànkak ts’àt yeenoo nits’òots’àt
tr’igwiindai’ gàhdàndaii, Walter zrit aii GSCI
kat hàh nihk’yùu gwitr’it gogwahtsii yeenoo
dagwiinch’u’ ts’àt nijìn gwà’àn
tr’igwiindai’ aii gwits’àt tthak tr’iniinjik.
Gwiinchih Walter vàts’at gihk’àtr’àanjik
yeenoo nagwidàdhat t’agwìnyàanch’uu ts’àt
nijìn dachan tat gwà’àn nachiidàdaå
dài’ gwiizii nahìidàdaå gàh’ìidàndai’.
Walter akòo dìnuu, jii nekhwek’yùu k’atr’inahtii
gwiintå’òh yeenjit gwichìå’e’
natr’aazrii ts’àt dachan tat tr’agwandaii gwizhìt
tthak. K’eejit kat jii gwizhìt gagoovoonahtan jì’
gwiheezaa chan akòo t’iiniindhan.
 Mary
Kendi zrit Paul Koe ts’àt Elizabeth Vittrekwa gootr’iinin
nilii ts’àt niinzhùk dachan tat gwà’àn
gwiindài’. Mary zrit Teetå’it Gwich’in nilii,
gòo jùk Aklavik danh gwizhìt vagwìlnjik.
Mary gwiintå’òh gwîîzii k’e’jàhkai’
eenjit vàhgwidandaih, dachan tat gwà’àn gwich’in
chan àhdàndaih, ch’ànuh åoo hàh
nähdaih. Mary t’at GSCI kat hàh gwitr’it gogwahtsii
danh giiyàh tr’iniinjik ts’àt Vàdzaih
Dhòh Gwich’yàa tr’aåtsaih ezhik ts’aii
gwits’àt tr’iniinjik, Gwich’in Anjòo kat
gogwandàk chan aii hàh, geetàk dachan tat k’eejit
kat hàh needidaå goovàh tr’iniinjik. Adanh
GSCI gatr’agwinii’aih dahthee gwàts’at gwizhìt
iinli’. Gwizhìt dhidii dài’ vàh leii
shòh gidilii, ga’oonahtan ts’àt t’aih diiyeenjit
nilii. Vigwizhì’ ànts’àt dloo ts’àt
gîîkhii hàh tr’aldzak k’ìt nilii
diinee’aa gwik’ìt t’iinch’uh.
 Anna
May MacLeod zrit Rosa MacLeod ts’àt Gabe André
hàh gootr’iinin t’iinch’uu ts’àt Tsiigèhtshik
gwàts’at nilii. 2002 gwàts’at Gwich’in
Social & Cultural Institute gwijàa nilii ts’àt
nahgwan gwànoo nagwijìlzhii kat gwakak gwichìt
iinli’. Anna May dachan tat diik’iindhat ts’àt
shin tat gwinyàanch’uu Nàgwìchoonjik danh
åuk kàaheedi’yaa eenjit nànadik. Adài’
gwànoo gwàts’at Gwichyàh Gwich’in Council
kak, Gwichyàh Gwich’in Renewable Resources Council kak,
ts’àt aii District Education Authority kak chan gwijàa
iinli’. Anna May zrit nekhwek’yùu geenjit gwiintå’oh
ganìinji’adhat ts’àt dinjii kat dachan tat hàh
tr’agwandaii iisrits’àt veenjit gòonlii gwik’yìnjizhit
ts’àt geetàk vagîîkhii eenjit gòo’aih.
 Sarah
McLeod-Firth zrit Simon ts’àt Mary Modeste gootr’iinin
t’iinch’uh. Yeedì’ Herschel Island gwà’àn
vagòonlih. Gwich’in nilii ts’àt Inuvik gwizhìt
niinzhùk nagwidàdhat 1959 dài’ gwàts’at
ezhik gweech’in’. Tr’iinin ihåok jùutin
ts’àt neekaii ànyàanch’uu eedi’in’
ts’àt vìcheii chan gòonlih. Sarah zrit gwitr’it
gwiinchii gwàåtsaih ts’àt nihåi’ejùk
gwitr’it t’agwah’in’ yeenoo nagwidàdhat zhìt.
Sir Alexander Mackenzie School gwizhìt nekhwek’yùu
eenjit gà’oonahtan iinli’ sriinanh t’agwìnyàanch’uu
gwizhìt ganadhindaii. Gwich’in Science Camp danh k’eejit
kat neegaazhik ezhik gwà’àn ga’oonahtan nekhwek’yùu
eenjit iinli’. GSCI gatr’igwinii’aih dài’
gwàts’at gwijàa iinli’. Aii gwizhìt dhidii
geenjit gàt’iiniindhan ts’àt aii gwàts’at
leii gihk’adhinjii nuh.
 Catherine
Mitchell zrit Margaret Bonnetplume ts’àt Charlie Stewart
goonìch’it nilii. Gwich’in nilii ts’àt
Aklavik gwà’àn diik’iindhat ts’àt
didinjii hàh, Moise Mitchell vàazhii, dachan tat gwà’àn
gweech’in’ nihkhàgootr’inyâhchih tå’ee.
Vidinjii kwaa tå’ee Catherine Inuvik gwits’àt
åetaniinzhii, ts’àt ezhik danh Eåts’ik
Zheh gwizhìt gwitr’it t’agwah’in nagwidàdhat
ihåok jùutin ts’àt nihk’iitik gidilii
geenjit. Vigwitr’it gwàts’at jùu nìniizhii,
CBC gwizhìt nekhweginjìk eenjit nagwidàdhat ihåogwinli’
geenjit gwitr’it gwàåtsaih. Catherine chan GSCI gatr’igwinii’aih
sriit’âhthee gwàts’at. Nekhwek’yùu
gwiniint’aii eenjit gwik’yìnjizhit GSCI goonee’aa
gwik’ìt t’iinch’uu. Nihkhan nijìn åanatr’aadaå
gwà’àn nekhwek’yùu geenjit giheekhyah
adanh gogoodahkat.
 Mary
Ann Ross vàazhii t’at Betty Jerome ts’àt
Peter Ross gootr’iinin t’iinch’uu Tsiigèhtshik
gwàts’at. Mary Ann t’at Gwich’in Kat Eenjit Nagwijìlzhiinat
gwichìt ts’ànuu nilii 2003 dài’ GSCI
kat hàh Chairperson geenjit dhidlit.
 Elizabeth
(Liz) Wright vàazhii zrit Jane Charlie ts’àt
Chief Johnny D. Charlie iinli’ goonich’ìt khaints’àn’
t’iinch’uu. Gwich’in nilii ts’àt Teetå’it
Zheh gwàts’at nilii. Teetå’it Gwich’in Renewable
Resource Council gwichìt iinli’ ts’àt District
Education Authority kak dhidii. Liz zrit nihåi’ejùk
gwitr’it gwaa’àn gwits’àt tr’iinjii
nilii. John Alfred Francis Canoe Days gisriinatr’âhnjii gwits’àt
tr’iinjii, Peel River Jamboree gwits’àt tr’iinjii,
Chief Johnny D. Charlie Memorial Skidoo Trip gwits’àt tr’iinjii
Teetå’it Zheh ts’àt Old Crow, Yukon gwits’ee
neetr’ididaå. Jùk at’at khaii neekaii geenjit
GSCI Board gwakak dhidii. Liz ts’àt didinjii Dennis hàh
tr’iinin tih gidi’in.
|
