         |
|
GSCI kat t’at nits’òo gè’tr’oohanahchyaa gwiintå’òh geenjit nìinji’gadhat ts’àt nihåi’ejùk gwik’ìt aii hàh gwitr’it t’agogwah’ii. Ihåak at’at nits’òots’àt dàgwidi’in geenjit gwitr’it gogwahtsii. Akòots’àt gwits’àt tr’igîîkhii, geetàk tr’igwidintå’oo, ts’àt jidìi vakak aachin tr’idi’in video ànts’àt gè’tr’oonahtan gwizhìt jidìi gihk’àtr’aanjii dìnehtå’eh kak natr’igwìnii’aih. Tr’oochìt Gwik’ìt Akòo T’àgidi’in Geenjit Gwitr’it Jii chan geetàk k’eejit kat dachan tat goovàh neetr’idadaå nan t’eh ejìich’ii yeenoo nits’òo gogwiindài’ ts’àt gogwidal hàh dha’aii agogwahah’yaa, science camp chan gogahnuu hàh gè’tr’oonahtan, dachan tat k’eejit kat geetàk drin k’ìdeetak gwizhìt diiginjìk gwizraih goovàh gigîîkhii gihk’agahaandal geenjit, geetàk k’eejit kat ts’àt juudìn ginjih ahdàndaii nihjàa gidilii gwik’ìighe’ aii k’eejit kat gihk’agahaandal chan goovàh gwitr’it t’agogwah’in gwik’ìt tthak zhàn gidilii. Jii tthak gwik’ìighe’ gahgiheedandaii gihk’àgahaandal nits’òo yeenoo gwich’in kat gogwiindai’ yeenoo nits’òo gogwandak t’ageedi’in’ ànts’àt dachan tat gwà’àn jii gwich’in anjòo nilii kat goovàh gwitr’it t’agwah’in gwik’ìighe’ gihk’àgaanjii. Jii gwiintå’òh gwiinzheii gaonìltin kat gòo jùu k’eejit kat gè’tr’oonahtan gwichìilàgòodhat kat geetàk goovàh gwitr’it t’agugwah’in. Gagoovoonahtan ts’àt geetàk chan diiginjìk hàh dha’aii kat, gòo ginjih nihåi’ejùk zhìt tr’igîîkhii gwizhìt geenjit gadiiyuunahtan ts’àt nits’òots’àt uu’òk giiyàh ginjih dhitsii ts’àt anjòo kat ts’àt tr’igîîkhii yeenoo nits’òo t’àgeedi’in’ gwizhìt gootr’oodahkat aii tthak natr’igwii’aii, åeete’tr’ideelyaa, dìnehtå’eh tr’igwidintå’oo nits’òo vàh dàgòonch’uu gihk’àtr’ahaandal chan. Jii nihåi’ejùk jidìi gayuunahtan ek’itr’ahaandal chan jidìi vàh gwitr’it t’agwah’in ek’itr’ahaandal hàh gwitr’it t’agwah’ii. Jidìi Ginjih Hàh Dhitsii, Gatr’agwaandak ts’àt Vàh Gè’tr’oohanahchyaa GSCI kat chan jidìi gwitr’it gogwahtsii vats’at gè’tr’oonahtan zheh kat gooveenjit vàh gè’tr’oohanahchyaa Beaufort Delta gwizhit tthak ts’àt. Jùhts’ants’àt zrit, Gwichyàh Gwich’in anjòo kat k’ìighe’ gugwandàk jidìi atr’agwaandak gàh edìnehtå’eh gaåtsàii, Edìnehtå’eh vik’ìighe’ ginjih ek’itr’ahaandal dictionary gitr’àhnuu akòo diinch’ii chan hàh gwitr’it t’agogwah’ii, sriinanh vakak atr’idintå’oo kak anjòo kat gogwank’oo chan kak natr’iinlii aii tthak gidi’in gwintå’an gwida’aii geenjit. Aii gwanzhih diitat goonlii geenjit edìnehtå’eh tr’aåtsaii, Gwich’in Ethnobotany Plant Kit gitr’ahnuu, jidìi gwizhìt gwanzhih tee jùutin gwizhìt geenjit gwaandak ts’àt uunjit k’yùu, Latin, Teetå’it ts’àt Gwichyàh Gwich’in goovoozrì’ zhìt tthak aii gwizhìt gwidinùutå’oh. Video vitr’àhnuu kak yeenoo gugwich’yàa tr’aåtsaii kaiik’ìt daang gwizhìt aajii dhòh hàh t’at aii eenjit dìnehtå’eh tr’iilee gàåtsaii, akòots’àt Tsiigèhnjik nits’òo yeenoo tr’igwiindai’ ts’àt gugwandàk aii gwizhìt tthak gwitr’it gogwàåtsaih. Kaiik’ìt gwizhìt dàgwidi’in, nihkhàtr’agwâhchih ihåok k’ìt, Eva ts’àt Hugh Colin hàh (Iitsii Làii Voozri’ Hàh) edìnehtå’eh kak gugwidinùutå’oh vàh gè’tr’oohanahchyah. GSCI kat chan geetàk nihk’yùu kaiik’ìt nagahdadaå ts’àt åanagahdadaå gwitr’it geenjit, gè’tr’oonahtan zheh gwizhìt akòo t’àgidi’in, kaiik’ìt sriit’agwinyàanch’uu kat goots’àt chan, izhuu kat hàh akòo t’àgidi’in. Jii nits’òo nankak gwitr’it t’agwah’in nits’òots’àt yeenoo jidìi gwit’àtr’ijâhch’uu nijìn gwà’àn tr’igweech’in’ aii tthak gàhgidandaii gwizhìt geenjit chan akòo t’àginuu, gehkhee ts’àt jii at’àn agòondaii eenjit vit’àtr’ìjâhch’uu kaiik’ìt goozrì’ ànts’àt yeenoo nits’òo tr’igwiindai’ gugwandàk aii tthak gwizhìt geenjit chan gwitr’it gugwàåtsaih. GSCI ts’àt Inuvialuit Cultural Resource Centre nihkhàh gwitr’it t’agugwah’in jùk at’at nits’òo nakhwegii kat gaonahchyaa geenjit dìnehtå’eh gogwahtsii gwiiniindhan. Jii t’at vàh gihk’àtr’ahaandal geenjit diinjigidizhit gweedì’ Beaufort Delta kaiik’ìt srìit’inyàanch’uu gwizhìt. Beaufort Delta Education Council k’ìighe’ jii geenjit tsèedhòh goots’an gogwahtsii. Aii edìnehtå’eh zrit K-12 gwits’àt geenjit jidìi gè’tr’oohanahchyaa gwinjik gwiizrii akòo t’àgiheedi’yaa geenjit gàgàdhan heelyàa. |
|
