Gè’tr’oonahtan

Gwich’in Ginjìk Zhìt Nìihahk’ìt

Dachan tat gwits’àt k’eejit kat hàh nìihah hàh nàgoojìå. Ezhik danh dachan tat nits’òots’àt adatr’agwidaandaii gwizhìt gagoovoonahtan guuzhik chan nakhweginjìk zhìt gigichiikhii geenjit chan goovàh gwitr’it gwaatsii. Aii ginìihah danh juudìn Dinjii Zhuh k’yùu zhìt gwizraih gîîkhii kat ezhik nìdhìjìå. Nits’òo yeenoo tr’igwiindai’ gwizhìt geenjit goovàh gigîîkhii. Kaiik’ìt geh’ok nits’òo tr’agwandaii gwizhìt gwiyeendoo uunjit k’yùu gwizraih gwìndòo tr’agwandàih ts’àt uunjit k’yùu zhìt ts’at gîîkhii.

Teetå’it Gwich’in anjòo Mrs. Dorothy Alexie, the Gwich’in gaonahtan nilii ek’ìdhinjii kat hàh (l-r): Tara Greenland, Allison Neyando, Deborah Peterson, Daralynn Kay, Robert Koe, Jerry Kay and David Kay (yinoh’ih kwaa). William George Firth gugwank’òo gwantå’àtr’ahchùh, GSCI eenjit.

Nagwidàdhat 2001 dài’, Vananh Adaghoo nanh, yeenjì’ Gabe Andre vakaiik’ìt, Tr’ineht’yeet’yee gitr’àhnuu, tr’oochìt diiginjìk zhìt gwizraih tr’igiheekhyah danh tr’iinin kat neetr’aazhik t’at Immersion Camp gogwahnuu, jii t’at Dachan Choo Gèhnjik gêhdìt danh. Anjòo neekanh kat gehkhee ts’àt diik’iindhat tih kat k’eejit gagoohanahchyaa gwik’ìt giheelyaa goovàh nagahdadaå. Nihåi’ejùk ts’àt k’eejit kat hàh gwitr’it gogwahtsii. Åuk kaagidi’in ts’àt uutsik gahtsii ts’àt nits’òots’àt dachan tat tr’igwiheendaii aii gwizhìt tthak gwizhìt gagoovoonìåtin. Nits’òo drin tat gwinyàanch’uu nihts’àt tr’igîîkhii aii gwizhìt chan gàgoovoonìåtin, nin, nihåitr’idaazhii, aii gwizhìt tthak. Khàhts’àt hee chan anjòo ihåee gwandak eenjit gwaandak, akòots’àt k’eejit kat nihåi’ejùk ts’àt tsìi’in hàh tsìigidi’in ts’àt digidìnehtå’èe’ zhìt drin nits’òo t’àgidi’in tthak kat chan gugwidinùutå’oh.

Vananh Gwijìthìtsik 2002 dài’ drin k’ìdeetak neekaii gwizhìt chan, ek’ìdhinjii nihk’iidaang ànyàanch’uu, googhàii ihåok jùutin chan ts’àt ihåok jùutin ts’àt neekaii dilii kat, gaonahtan neekan kat hàh, ts’àt vake’ahch’uu neekaii hàh Teetå’it Zheh gêhjìt danh Zheh Gwijàt giiyàhnuu danh ginùuhah. Drin tat gwinyàanch’uu Dinjii Zhuh Ginjìk zhìt, nits’òo nìivyah nàgìniintthàå, nits’òots’àt nankak goo’agòondàii jidìi tr’oonjii tthak eenjit, k’e’gijàhkai’ ts’àt aåtai’ ts’àt k’ii tr’aåtsaii, geh eenjit di’gatå’òo, tsèe’ sriitr’igâhchii, dats’an tthài’ tatr’idint’ii, troo goonjii gehkhee ts’àt vake’gahch’uu aii gwizhìt tthak gàgootr’oonìåtin.