Gè’tr’oonahtan

Science Ihåòh Niihahk’ìt

VIDEO: Low bandwidth (304 K), High Bandwidth (556 K)

Nagwidàdhat 1995 dài’ gwànoo gwats’at k’eejit kat jii Science Camp gwinuu gwà’àn goovàh neetr’ididàå. Yeenoo nakhwa’anjòo kat nits’òo gogwiindài’ dàgeedi’in’ aii tthak gagoovoonahtan. Aii gehkhee ts’àt chan uunjit ts’aii nits’òo gè’tr’oonahtan aii chan dachan tat gwà’àn t’agiinch’uu gwik’ìighe’ gihk’àgaanjii. Drin ihåòk jùutin gâhshùk at’at ezhik gwà’àn t’agiinch’uu gwik’ìighe’ jii high school gwizhìt giinlii credits gwats’an tr’ahtsii aii t’at goots’an tr’ahtsii. Gwich’in anjòo nilii kat at’at chan goovàh shìk neegididàå ànts’àt juudìn gaonìltin kat chan goovàh neegididàå. Jii gwizhìt gàgoovoonìltin kat at’at biologist geography ts’àt anthropology jii tthak gwizhìt nits’òots’àt gàhgiheedandaii gogoonuu gwizhìt goondàh akòo t’agwidi’in. Jii tthak chan dachan tat gwà’àn gihk’àgahaandal yeenoo nits’òots’àt t’agwiinch’u’ dagwèedi’in’ aii tthak chan goovàh tr’agwaandàk.

Jidìi geenjit dàgidi’in t’at uu’òk goovàh ginìihah gwik’ìighe’ gwindoo jii gàgoovoohanahchyaa gwizhìt geenjit nìinji’giheedhat science gogwàhnuu aii gwizhìt geenjit nìinji’giheedhat. Jii yeenoo goo’anjòo kat nits’òots’àt gogwiindai’ aii gwizhìt chan gihk’àgàhaandàl. Gwik’ìighe’ gè’tr’oonahtan zheh gwizhìt t’àgìheech’yaa ts’àt nits’òots’àt gwiyeendoo jii gwizhìt nagahâhdaii geenjit gwìndòo nìinji’giheedhat. Aii gehkhee ts’àt nits’òots’àt jii Gwich’in nan jidìi nankak nakhweenjit nilii nits’òo guk’àtr’àhnahtyaa aii gwizhìt tthak chan geenjit nìinji’giheedhat gogoonuh.

Nàgwìchootshik 1996 dài’ K’eejit Kat Gwanzhih Gihk’àtr’aanjii Eenjit Åanatr’aadaå danh Alice Vittrekwa, vake’ahchuh nilii zhik zrit k’e’jahkaih. Ingrid Kritsch vagwank’òo òonjik, GSCI eenjit.

Jii dachan tat gwà’àn neetr’ididaå hee t’at jii gè’tr’oonahtan zheh gwizhìt nits’òots’àt gagoovoonahtan k’ìt t’agoogàh’in. Aii guuzhik chan jii nankak nits’òots’àt dachan tat gwà’àn tr’igwandaii aii gwizhìt chan goovàh tr’igîîkhii nihtat ts’àt gigîîkhii aii ts’àt jidìi t’àgidi’in daginli’ hàh gwitr’it t’agogwah’in aii gwik’ìighe’ at’at jii nits’òo dìnehtå’eh vakak gwidinithàtå’oo gwinjik gàgoovoohanahchyaa gwizhìt chan geenjit gwitr’it gogwahtsih. Jidìi geenjit gàgoovoonahtan at’at jii nan nakhweenjit sridatr’igwijìinlik gwizhìt nits’òo nan t’atr’ijâhch’uu nits’òo nan k’àndehtr’inahtii yeenoo nits’òo t’agwiinch’u’ aii gwizhìt tthak geenjit goovàh gigîîkhih. Jii yeenoo nits’òo t’agwiinch’u’ gogwandàk leii yeenoo gwats’at gòonlii aii gwizhìt nihkhàh gogwaandak. Nits’òots’àt nankak guk’ànìåtii ts’àt jidìi nankak geenjit nilii gwizhìt geenjit tthak gogwinah’in. Jii Gwich’in kat yeenoo nits’òo gugwiindai’ gwizhìt geenjit gwitr’it t’agugwah’in t’at nits’òo at’àn gòo gwinzhih nits’òo agòondàii eenjit t’atr’ijâhch’uh. Nankak yeenoo tr’igwiindai’ goozrì’ t’àgoovàazhii nits’òots’àt jii yeenoo aajii dhòh hàh gwich’yàa tr’ahtsii aii tthak gwizhìt tthak geenjit goovàh tr’igîîkhii gè’tr’oonahtan jidìi yeendòo giheelyaa gwitr’it t’agogwahah’yaa aii tthak geenjit t’at k’eejit kat goovàh tr’igîîkhii.

Science ihåòh niihahk’ìt jùk gwits’àt:

1995 Martin Zheh (Ethno-archaeology ts’àt Nakhwek’yùu Geenjit Nìihahk’ìt)
1996 Nàgwìchootshik (Ehdiitat Gwà’àn Science Nìihahk’ìt)
1997 Knute Lang Vakaiik’ìt (Gwich’in Science Nìihahk’ìt)
1998 Rachel Reindeer Vakaiik’ìt (Gwich’in Science Nìihahk’ìt)
2000 Knute Lang Vakaiik’ìt (Gwich’in Science Nìihahk’ìt)
2001 Tå’oondih Srinatr’ilii K’ìt (Gwich’in Science Nìihahk’ìt)

Nàgwìchootshik danh 1996 dài’ K’eejit Kat Gwanzhih Gihk’àtr’aanjii Eenjit Åanatr’aadaå gwilàii Jaida Edwards, zhùu ch’ii’àn gwinah’ii. Ingrid Kritsch, vagwank’òo òonjik, GSCI eenjit.