         |
Aklavik
Aklavik gitr’àhnuu nijìn ehdiitat gwà’àn Teetå’it Gwinjik njì’ aii kaiik’ìt gòo’àii, chuuvee ts’at 113 km iinjì’ gòo’àih. Shin gwits’àt hee taii kwàh, gwàt khaii hee han gwinjik tan kak taii tr’agwahtsii Nàgwìchoonjik ehdiitat gwidehtoh Inuvik gwits’àt taii tr’idi’in. Aklavik kaiik’ìt tsìnehdan goovàh gòo’aii gwizhìt 750 Gwich’in ts’àt Eneekaii jùu leii kat tth’aih hee åuk ts’àt dzan kàagidi’in. Yeenoo gwik’ìt, Gwich’in ts’àt Eneekaii ezhik danh åanatr’aadàå ejìich’ii giit’àdahch’yaa keetr’adadaå yeedùk Pacific ts’àt gwìdì’ chuuvee gwà’àn gwits’àt chan ezhik neetr’idadaå. Jii Hudson’s Bay Company aii han nduh ts’aii zheh gogwàåtsaii jii t’at nagwidàdhat 1912 gwànoo akòo t’àgeedi’in’ nin dhòh gookàt. Aii tå’ee nagwidàdhat 1918 dài’, Aklavik kaiik’ìt gwiinlì’, jii t’at nits’òo ûûkatr’idi’in gwizhìt tsèedhòh tr’idaatsih, dzan kaatr’idi’in ts’àt ech’yah vii gwìdì’ gwats’at gwik’ìighe’ adatr’agwaandai’. Nagwidàdhat 1919 gwànoo ezhìk danh Anglican kat gwits’àt niginiinjiå, aii t’at Aklavik jii vidree’oonaatsoo goozheh iisrits’àt gòo’aii gwizhìt nèetr’igwinii’aih 1922 dai’ akòo tagwijùudhat. Aii tå’ee 1926 gwànoo Roman Catholic kat ezhik naginiinjiå ts’àt igidint’eh zheh gogwàåtsaii. Mission gwizhìt eåts’ik zheh nagogwinii’aii gwindii kaiik’ìt gwats’at zheh gwizhìt tr’igwich’in ts’àt gè’tr’oonahtan eenjit gogwàåtsaii, aii tå’ee 1952 dài’, khainjii 1500 ànyàanch’uu kat, k’adagwidaadhat goots’ànuu kat gwitr’it gogwahtsii aii tthak t’at Aklavik natr’igwinii’aih. Gwiyaa’an natanahee ts’àt vihsraii gwintåii gwik’ìighe’ Aklavik èjee tr’igwihèe’aa gwidiinu’. Inuvik k’adagwidaadhat k’ìighe’ yeenìn 58 km gi’t’a’ak ts’aii gwits’àt kaiik’ìt gogwàåtsaii 1961 hee gwànoo, aii kaiik’ìt t’at zheh gwiinleii tr’agwàåtsaih. Jidìi tthak geenjit ezhìk gwits’àt èjee tr’adagoo aii guugàa leih kat Aklavik gehåàt giheedah kwaa ginuu gwik’ìt t’agòonch’uh. |
|
68°13'N,
135°00'W