         |
Tsiigèhtshik
Nàgwìchoonjik ts’àt Tsiigèhnjik åàngwìtha’ee danh tå’eedik iidoo danh Tsiigèhtshik kaiik’ìt gòo’àii, khainjii 200 ànyàanch’uu ezhik danh tr’igwich’in. Ch’uu t’at Arctic Red River iinli’ khaii dài’ 1994 danh dagakaiik’ìt voozrì’ ejùk natr’agwàåtsaii, Tsiigèhtshik oonoo dài’ voozrì’ gwiinli’ jùk gwik’ìt giiniindhan. Jii kaiik’ìt gwiinlit gwànoo gatr’agwaandak gòonlii, yeenoo shin dài’ åuk kaatr’idi’in k’ìt gwiinli’ Gwichyah Gwich’in geenjit akòo ts’àt gwiinlit åanatr’aadaå ejìich’ii ookàt tr’ahtsii (geetak gwiinzii geetàk gwiinzii kwaa) Gwichyah Gwich’in, Aachin ts’àt Eneekaii gootat akòo t’atr’eedi’in’. Dahthee gwànoo ganatr’aandaii, jii gwich’in kat Tsiigèhnjik njì’ ts’àt ddhah tat gwà’àn Yukon NWT tå’yah nàniint’aii gwà’àn shin tå’ee nagahdadaå. Ezhik danh gwà’àn gogweech’in’ khaii tthak nagaazrii. Sreendìt hee iinoo nagahdadaå nijìn gwà’àn åuk kaatr’idi’in gwà’àn gwits’àt neetr’idijaa Tsiigèhtshik gwà’àn ts’àt Nàgwìchoonjik gwìnjì’ gwits’àt tthak shin dài’ t’àngiinch’uh. Nagwidàdhat 1868 dài’ yahtii kat Tsiigèhtshik danh tr’igijiinjii zheh tr’igwàåtsaii guugàa zrit zhehk’oo làt kat tth’aih hee ddhah tat gwà’àn gogweech’in’ 1960 dài’ gwits’àt. Nagwidàdhat 1970 gwànoo jii taii gwichoo tr’igwàåtsaii gwik’ìighe’ aii kaiik’ìt gwizhìt gwitr’it gogwiheedi’yaa goodlit. Goolàt kat aii kaiik’ìt gwats’at aii tr’ih choo nihk’eehadalak aii gwakak gwitr’it t’agogwah’in aii t’at khehtak nahdadaå nihk’ee gahaazhik Nàgwìchoonjik gwideetoh ts’àt Tsiigèhnjik iinin ts’aii chan. |
|
67°27'N, 133°44'W