Ginjih

Nin Gwi’dìnehtå’èe’ Kat

Dinjii Zhuh K’yùu Eenjit Gwitr’it Zheh gwizhìt at’at jii nekhweginjìk ehtr’oohanahchyaa geenjit nihåi’ejùk ts’aii ejìich’ii gooveenjit tr’ahtsii ga’oonahtan yit’àdahch’yaa geenjit zhik gweedì’ gwizhìt. Khaints’àn’ 2002 dài’ Teetå’it Gwich’in k’yùu zhìt nin gwi’dìnehtå’èe’ tsal ihåok jùutin ts’àt its’ìteech’ii neekaii ànyàanch’uu tr’aåtsàih.

Jii gwizhìt chan nin k’ìt tè’ dantå’oo aii edìnehtå’eh kat eenjit Gwich’in tshyaa ihåee, Arthur Mitchell vàazhii, aii gooveenjit gwank’òo nin tthak eenjit akòo t’èedì’in’. Aii edìnehtå’eh gwizhìt jidìi dinjii zhuh k’yùu zhìt tr’adantå’oo t’at jidìi nichih ts’àt jidìi zraii nilii guuzhik uunjit k’yùu t’at jidìi tsal nilii gwidinithàtå’oo. Aii tthak jidìi tr’aåtsaii juudìn gè’tr’oonahtan gwizhìt t’iinch’uu kat gì’gwadhan giiyàheedandai’ aii gwinjik tr’aåtsaih.

Jii Nin Gwi’dìnehtå’èe’ tr’aåtsaii gehkhee ts’àt ga’oonahtan eenjit nits’òots’àt gàh gwitr’it t’agwahah’yaa giit’ajâhch’uu vizhìt dhidlii. Jii edìnehtå’eh vehkhee ts’àt gwitr’it nihåi’ejùk gàh gwitr’it t’agwahah’yaa, tsìi’in nihåinehch’ii’, gwidi’ee gugwahtsii eenjit gwi’dìnehtå’èe’, ginjih atr’agwahah’yaa nihåi’ejùk gòonlii, bingo, ts’àt gwank’òo akòo ts’àt ginjih nihch’ii nagiinlii aii tthak gwizhìt dhidlii. Aii gwizhìt t’at grade leii gooveenjit gòonlii ts’àt gooveenjit duulèh gwalàt gwit’àgwahdahch’yaa geenjit diinjitr’idizhit gatr’oohanahchyaa geenjit gwiiniindhan.

Nagwidàdhat 2003 dài’ aii edìnehtå’eh kat chan powerpoint gwizhìt giiyàh gwitr’it t’agugwahah’yaa gogwàåtsaii, ts’àt iitsii CD gwakak aii edìnehtå’eh nagogwiniinlih. Zhik gwee’àn tthak gooveenjit giit’atr’adahch’yaa geenjit gwintå’an gwidilii. Sreendit danh gwits’an gwatahtsaa geenjit diinji’tr’idizhit.

Ezhik shin hee Gwich’in tr’ik ihåee, Lisa André vàazhii, aii t’at anjòo kat Tsiigèhtshik gwizhìt jùu Gwichyàh Gwich’in k’yùu gîîkhii hàh gwitr’it gwaåtsaih.Aii edìnehtå’eh ihåok jùutin ts’àt its’ìteech’ii’ neekaii gidilii gaåtsaii, aii kat t’at guginjik k’yùu srìtr’ìlìi ts’àt vàh CD tr’ahahtsaa t’at 2004/2005 jì’ tr’iilee gogwihèelyaa.

Jii nin edìnehtå’ee’ dhaatsaii gwik’it zhit dha’aii; vak’agôhdaih Shoh (Bear), Teetå’it Gwich’in k’yùu zhìt hadohtth’àk.