         |
|
Canada gwizhìt tthak nakhwiginjìk Dinjii Zhuh K’yùu zrit iisrits’àt k’ìi’ìt dàgweenjaa. Gwiyeendoo Athabaskan (Dinjii Zhuh) Ginjìk NWT gwizhìt atr’agwiidinjii. Jii t’at drin gwitak gwinyàanch’uu tr’agwandaii gwizhìt uunjit ts’aii gwitr’it t’agwàa’in uunjit k’yùu gwiyeendoo tr’igîîkhii, nakhwa’anjòo kat srìit’inyàanch’uu kat zraih drin tat gwinyàanch’uu dinjii zhuh k’yùu gigîîkhii gòo nekhwek’eejit kat åoo gwiyeendoo nekhweginjìk zhìt gigîîkhii gootr’ijìitth’ak kwah. Jii nakhwanànkak geenjit k’adagwidaadhat nagwidàdhat 1998 geenjit ehdichìh gwats’an gwàåtsaii nits’òo t’àgòonch’uu gihk’àgàhaandal geenjit gwitr’it gwàåtsaii aii gwiinzii gòonlih kwaa. Juudìn Gwich’in nilii kat, aii gwizhìt t’at 2,397 t’ìnyàanch’uu kat zrit NWT gwizhìt, 40 (2%) ànyàanch’uu kat zraih nekhweginjik zhìt digizheh gwizhìt gigîîkhii ànts’àt 312 (13%) ànyàanch’uu kat t’at duulèh nekhweginjik zhìt gigîîkhii t’agòonch’uu ginùh.
GSCI kat atr’igwiidinjii geenjit gwitr’it t’atr’agwah’in’ nekhweginjìk natr’ooheendal gwiintå’òh gògòontrii diiyeenjit gòonlìh. GSCI kat nihåi’ejùk gwizhìt gwitr’it t’atr’agwah’in’ aii gwik’ìighe’ nekhweginjik zhìt chan gatr’igiheekhyah gòonlih. Jii at’at nihk’yùu hee nakhwàh Gwich’in kat gogweech’in’ aii goodeek’ìt nits’òo tr’igoozrii aii chan. Yeenoo nits’òo gogwiindai’, gogwandàk, dachan tat gwà’àn gwanzhih jidìi agòondaii vit’àtr’ìjâhch’uu, nits’òo yeenoo tr’igwiindai’ aii gwizhìt tthak nekhweginjik k’yùu gwizhìt tr’igiheekhyah gogwahtsii, aii tthak gwizhìt gwitr’it gogwahtsii nagâhdaii. Nekhweginjik eenjit gwiyeendoo gwitr’it gogwahtsii t’at jii nekhweginjik eenjit jii dìnehtå’eh zhìt ek’itr’ahaandal nekhwek’eejit gihk’agahaandal dictionary aii gehkhee ts’àt chan dachan tat gwà’àn k’eejit kat goovàh natr’ahdadaå nekhweginjik k’yùu gwizraih tr’igiheekhyah Immersion Camps aii ts’àt jii nekhweginjik zhìt eenjit juudìn ginjih àhdàndaii kwaa juudìn gwiinzii diginjik zhìt gîîkhii hàh nihjaa gidilii ts’àt nihts’àt gigiheekhyah gwik’ìighe’ nekhweginjik duulèh nagooheendal gwizhìt chan gwitr’it gwaatsii. GSCI gwizhìt t’at jii gè’tr’oonahtan gwizhìt K-12 aii geenjit t’at jùk ihåak hàh dha’aii dìnehtå’eh vizhìt nits’òo nekhwegii kat gatr’oonahtan geenjit gwitr’it t’agogwah’in Eneekaii kat hàh nihjàa gidilii ànts’àt Beaufort Delta Education Council kat chan giiyah akòo t’agidi’in. Adachoo tat hàh, edìnehtå’eh tr’idinuutå’oo gwàåtsaii dài’ jii Review of the Official Languages Act in the Northwest Territories gwizhìt goots’at tr’iviidinjik.
|
