Geenjit Gihk’àtr’aanjih

Anjòo Kat Gogwandàii Ganatr’aandaii

Aii 1996-2001 nagwidàdhat ihåogwinlì’ gogwitr’ìt gwihèelyaa geenjit, khaii ihåok jùutin jùutin gwits’àt hee, aii anjòo kat gugwandàii tr’igwehdineetå’oo gwiiniindhan. Jii t’at khaii 2000 ts’àt 2001 shin dài’ akòo t’agweedi’in’.

Diikaiik’ìt daankat gwizhìt danh anjòo neekok jùutin ts’àt daang gidilii kat hàh guuts’àt tr’igîîhè’, aii t’at gwizhìt juudìn gwiyeendoo anjòo nilii kat hàh tr’oochìt giinli’. Jii anjòo kat ts’àt gigîîhe’ gwiyeendoo yeenoo nits’òo tr’igwiindai’ gwik’ìt gogwiindai’ ts’àt nànkak gwà’àn nihkhan nagahdadaå geenjit ganatr’aandai’ ts’àt khâîîkoo nihk’yùu natr’ehdinjik ts’àt adagogwadaandaii gwik’ìt egidint’eh gogwiindai’. Jii t’at gogwandàk gwiyeendoo gwijìinchii gòonlii at’at t’àgwähchii nankak gàhgidandaii ts’àt nànkak gat’agiiniindhan ts’àt geenjit nìinji’gadhat chan gwiyeendoo nits’òo khanh ejùk t’agweenjaa jii dinjii zhuh kat nits’òo gooveenjit gwîîzrii gòonlih kwaa t’at jii jùk gweendòo nàgwaatth’àt. Gugwandàk gwizhìt t’at aii juudìn nihåitr’adaazhii geenjit, nankak goozrì’, yeenoo gogwandàk ts’àt jidìi tàgwijùudhat geenjit gatr’igîîhe’.

Jii t’at juudìn anjòo kat hàh nagwidàdhat gwiinlit gwizhìt gwitr’it t’agwaa’in’ geenjit t’àgwähchii hâî’ gootr’àhaanjaa geenjit, sriidrin k’it dinithàtå’oo neekaii gwidhàatsaii gogwandàk ts’àt gogwank’òo (2001 Gwich’in Anjòo Sriidrìn K’ìt Dinithàtå’oo ts’àt 2003 Gwich’in Anjòo Sriidrìn K’ìt Dinithàtå’oo). Jii anjòo kat juudìn goovàh akòo t’agweedi’in’ jii gwiyeezhak gogwank’òo hanoh’yaa. Jii anjòo kat gogwandàk tthak t’at tr’igwidinùutå’oo ts’àt yeendòo t’at edìnehtå’eh zhìt nitr’igwihèe’aa tr’agwahnah’yaa.

* Uunjit k’yùu gwizrih geenjit gwizhìt gwidinithàtå’oo.

Average PDF file size is 48K. Download Acrobat Reader for free.