Geenjit Gihk’àtr’aanjih

Nanzhìt Dinjiinat Tàgwàdhat K’ìighe’ Gihk’àtr’aanjih

Nagwidàdhat 1994 dài’ gwats’at, aii Gwich’in Social & Cultural Institute kat Gwichyàh Gwich’in, Teetå’it Gwich’in, Nihtat Gwich’in, Tr’ondek Hwech’in kat hàh nankak yeenoo tr’igwiindai’ nant’eh ejìich’ii agogwahàh’yaa gwizhìt gogwàåtsaih. Jii gwitr’it t’at yeenoo dài’ gogwandàk ts’àt nankak goozri’ aii tthak at’at jii nankak nits’òo yeenoo tr’igweech’in’ gwizhìt gwalàt gòo’aih. Jii gwik’ìighe’ t’at gwaa’àn tthak nijìn gwà’àn tr’igweech’in’ geenjit edìnehtå’eh kak giik’àtr’inahtii ek’ìtr’aanjii.

Morgan Keevik ts’àt Gerald Tetlichi, Teetå’it Zheh tå’èedik danh yeenoo dài’ diigwadàl eenjit kàgintih, 2000 dài’ akòo tàgòodhat. Ingrid Kritsch gogwank’òo òonjik, GSCI eenjit.

Jùk gwits’àt t’at Teetå’it Zheh gwizhìt, Gwich’in Territorial Park gitr’àhnuu Inuvik gêhjìt danh gòo’aii, zhik ddhah tat Richardson Mountains gwà’àn hee, Tsiigèhnjik gwinjik, yi’eedàk Chii Ndii’ee danh ts’àt gehjuu Tth’oh Zraii Njik gwà’àn danh akòo gwitr’it t’agwàa’in’. Nijìn gwà’àn tr’igwiindai’ gwà’àn goozrì’ tr’oonjii, nijìn gwà’àn natr’aazrii gòo åuk kàatr’eedi’in’, nijìn gwà’àn tr’igweech’in’, nijìn gwà’àn tth’an k’ìt gòo’aii, taii gwishik, aii gwakak tthak k’ìighe’ diigwitr’it gwizhìt akòo t’àgòodhat. Gwich’in anjòo kat ts’àt k’eejit kat hàh nan t’eh gwitr’it gogwàåtsaii, edìnehtå’eh kak tr’adantå’oo, geenjit gogwank’òo tr’òonjik GSCI gàh gwitr’it t’agwah’in kat ts’àt juudìn kat jii gwizhìt geenjit åoo hàh gàhgidandaii k’ìighe’ akòo t’ageedi’in’.

Jii kat chan Walter Alexie, Richard Thompson, Vanessa Kaye, ts’àt Melanie Fafard Teetå’it Zheh ch’eetthàn tå’eedik gwinjik tagwintåik danh ejìich’ii yeenoo dài’ geenjit kàgintih, Teetå’it Gwinjik Ejìich’ii Yeenoo Dài’ Eenjit Gwadàl Kàtr’intih, nagwidàdhat 2000 hee gwànoo. Ingrid Kritsch gugwank’òo òonjik, GSCI eenjit.

Teetå’it Zheh gwizhìt vàdzaih jì’ hàh k’iichì’ agugwäh’aii. Ingrid Kritsch gwank’òo gwantå’àtr’ahchuh,
GSCI eenjit.