Geenjit Gihk’àtr’aanjih

Gwanzhih

Yeenoo nagwidàdhat gwiinlit gwànoo, Gwich’in kat t’at nànkak gwats’àt ts’ìivii nihåi’ejùk t’idich’uu gòonlii, gwanzhih ts’àt jak shìh gaa’ii, agòondaii eenjit chan, gwizhìt tr’igwich’in ts’àt gwitr’it gwadàl eenjit t’àgìjâhch’uu. Jidìi tthak gàhgeedandai’ nahgwan gwànoo gwats’at gwiintå’òh k’ìi’it t’agwidizhik.

Nagwidàdhat 1997 dài’ gwànoo, GSCI kat t’at Gwich’in anjòo kat hàh gwitr’it t’agogwichìå’in’ aii gwanzhih eenjit nits’òo gwit’àgwìjâhch’uu aii Aurora Research Institute (ARI) kat hàh jii geenjit nihjàa gidilih. Jidìi agogwäh’aii tthak gogwidinùutå’oo aii tthak at’at jùk edìnehtå’eh gaåtsaii, “Gwich’in Ethnobotany: Gwich’in kat k’ìighe’ Shìh, Agòondaii, Gwizhìt Tr’igwich’in ts’àt Gwitr’it Gwadàl Aii Gwanzhih T’àgìjâhch’uh”. (Atr’adantå’oh tthak)

Jii edìnehtå’eh zhìt t’at gwanzhih tee jùutin ts’àt neekaii ts’àt chii tik ànyàanch’uu t’atr’ijâhch’uu aii gwizhìt gwidinithàtå’oh. Jii gwanzhih oozrì’ tthak chan (Gwichyàh ts’àt Teetå’it Gwich’in K’yùu zhìt) geenjit gwaandak, nijìn giigwàa’ak, ts’àt nits’òots’àt vit’àtr’ìjâhch’uu geenjit. Nits’òots’àt agòondaii ts’àt shìh tr’ahtsii geenjit tr’igwidinùutå’oh. Gwank’òo tr’òonjik jidìi zraii, dagàii, ts’àt nihåinehch’ì’ gwidi’ee gwizhìt t’àgìjâhch’uh.

Jii nan srìdatr’igwijìinlik gwizhìt juudìn ga’oonahtan kat nits’òo gwanzhih hàh dàgwidi’in geenjit giit’àgijâhch’uh. Jii gwizhìt chan aii edìnehtå’eh gwik’ìt vizhìt dha’àii, gwanzhih neekok jùutin ts’àt nihk’iidaankat hàh gwizhìt dha’aii, ts’àt goozrì’ atr’adanùutå’oo, ts’àt viåitr’agwinaht’an vehkhee t’at jak gaii ts’àt edinìichii, åee tyah neekaii zhìt uudeezhu’ ts’àt nin’ nihtat gòonlii vizhìt gòodlit. Gwich’in Science Camp gwà’àn k’eejit kat yeenoo nagwidàdhat t’agwìnyàanch’uu gwizhìt akòo t’àgidi’in gwiyeendoo k’eejit kat jii gwizhìt jidìi gagootr’oonahtan gwizhìt gwiyee’oo gat’agiiniindhan.

Gàhkwìndaii: Agòondàii gwiyeendoo vàhkhwìndaih kwaa jì’ VIT’ÀDOHCH’UH KWAH. Juudìn gwanzhih agòondàii ahdàndaii ts’àt gwichih ginohkhih.